ஏ.ஆர்.ரஹ்மான் இசையில் காமன்வெல்த் பாடல்கள்

    
காமன்வெல்த் போட்டிக்காக இசையமைத்த பாடல், இன்னும் 10 நாட்களில் வெளியிடப்படும். இது உலக கோப்பை கால்பந்து பாடலைவிட பிரபலமாகும்,'' என, இசையமைப்பாளர் ரஹ்மான் உறுதி தெரிவித்துள்ளார்.

டில்லியில் வரும் அக்டோபரில்(3-14) காமன்வெல்த் போட்டி நடக்க உள்ளது. இப்போட்டிக்கான மையநோக்கப் பாடலை, ஆஸ்கர் விருதுகள் வென்ற, ஏ.ஆர்.ரஹ்மான் இசையமைத்துள்ளார்.
இப்பாடல் "பிரிவியூ' நிகழ்ச்சிக்கு மீடியா குழுவினர் நேற்று அழைக்கப்பட்டிருந்தனர். 
 
பாடலை இயக்கிய ஷியாம் பெனகல், தயாரிப்பாளர் பரத்பாலா, அமைச்சர் குழு தலைவர் ஜெய்ப்பால் ரெட்டி மற்றும் காமன்வெல்த் போட்டிகள் அமைப்புத் தலைவரான சுரேஷ் கல்மாடி ஆகியோர் நிகழ்ச்சியில் பங்கேற்றனர். ஆனால் மையநோக்கப் பாடல் ஒலிபரப்பப்படவில்லை.  

இதுகுறித்து ரஹ்மான் கூறியது:
அறிமுக நிகழ்ச்சி பெரிய அளவில் திட்டமிடப்பட்டுள்ளது. அப்போது வெளியிடப்படும் பாடல் இந்தியர்களின் மனதில் இடம்பெறும். இந்த பாடல் நிச்சயம் இந்தியர்களை பெருமை கொள்ளச் செய்யும். கொஞ்சம் பொறுமையாக இருந்தால் எல்லாம் சாதகமாகவே நடக்கும்.
காமன்வெல்த் பாடலுக்கான பணியில் நான் கடந்த ஆறுமாதமாக ஈடுபட்டுள்ளேன். இதற்காக என்னுடைய மற்ற அனைத்து நிகழ்ச்சிகளையும் ரத்து செய்திருந்தேன். இதிலிருந்தே இந்நிகழ்ச்சியை எந்தளவுக்கு தீவிரமாக எடுத்துக்கொண்டேன் என உங்களுக்குத் தெரியும்.

ஏ.ஆர்.ரகுமானுக்கு அமெரிக்க கிராமி விருதுகள்

 

உலக அளவில் கலைஞர்களுக்கு வழங்கப்படும் உயரிய விருதான அமெரிக்க கிராமி அவார்டு தமிழகத்தை சேர்ந்த ஏர்.ஆர்.ரகுமானுக்கு கிடைத்துள்ளது. 

இந்த விருது கிடைத்தது எல்லாம் இறைவன் அருளால்தான் என்றும், தமது இந்திய ரசிகர்களின் அன்பும் , ஆதரவும் எனக்கு தொடர்ந்து அளித்து வரும் அவர்களுக்கு இத் தருணத்தில் மனமார்ந்த நன்றியை தெரிவித்து கொள்வதாகவும் அவர் கூறியுள்ளார். 

ஏர்.ஆர்.ரகுமான், கடந்தாண்டு இசையமைத்து வெளிவந்த ஸ்லம்டாக் மில்லினர் திரைப்படம் ஆஸ்கருக்கு தேர்ந்தெடுக்கப்பட்டது. இதில் சிறந்த பாடல் ஜெய் கோ மற்றும் இசைக்காக 2 ஆஸ்கர் விருதுகள் வழங்கப்பட்டது. இப்படத்திற்கு இசை உட்பட எட்டு விருதுகள் கிடைத்தன. 

இதன்மூலம் தனிநபராக ஆஸ்கர் வென்ற முதல் இந்தியர் என்ற பெருமையை ஏர்.ஆர்.ரகுமான் பெற்றார். இதனைதொடர்ந்து இவருக்கு ஏராளமான பாராட்டுகள் குவிந்தன.

இந்நிலையில் இவருக்கு மேலும் இரண்டு விருதுகள் கிடைத்துள்ளன. ஆண்டுதோறும் அமெரிக்காவில் கிராமி விருதுகள் வழங்கப்படுகிறது. அதில் இந்தாண்டுக்கான சிறந்த சவுண்ட் டிராக் மற்றும சிறந்த பாடல் ( ஜெய் ஹோ ) ஆகியவற்றுக்கு இரண்டு விருதுகள் கிடைத்துள்ளன.

ஸ்லம்டாக் மில்லினர் படத்தினன்மூலம் இந்த விருது இவருக்கு வழங்கப்பட்டுள்ளது. லாஞ் ஏஞ்சல்ஸ்சில் நடந்த விழாவில் விருதினை பெற்ற ஏர்.ஆர்.ரகுமான் , பேசுகையில் என்ன சொல்வது என்றே தெரியவில்லை, கடவுள் மீண்டும் ஒருமுறை இவ்விருதினை தமக்கு வழங்கியுள்ளார்.

இது எல்லாம் கடவுள் அருளால் தான் நடந்துள்ளது. இறைவனுக்கு நான் நன்றி தெரிவித்து கொள்கிறேன். இந்தியர்களின் பேராதரவும், அன்பும் அவரதும் பிரார்த்தனையும் எனக்கு எப்போதும் உள்ளது. இதன் மூலம் இந்த கிராமி விருதை பெற்றதை இந்தியர்களுடன் பகிர்ந்து மகிழ்ச்சி கொள்கிறேன். இவ்வாறு அவர் கூறினார்.

பன்டிட் ரவிசங்கர், விக்கு வினாயம், ஜாகீர் உசேன் , விஸ்வமோகன்பட் ஆகியோர் இந்த கிராமி விருது பெற்ற இந்தியர்கள் ஆவர். 

நன்றி: 

தினமலர்.

ஆஸ்கார் தமிழன்:சின்ன சின்ன தகவல்கள்

       அன்பா, வெறுப்பா, ? என  வாழ்க்கை கேட்டபோது அன்பை தேர்ந்தெடுத்த ஆஸ்கார் தமிழன்.
ரஹ்மானுக்கு என்று எந்த செல்ல பெயரும் கிடையாது. அம்மா,சகோதரிகள் அனைவரும் வாய்நிறைய" ரஹ்மான் " என்றுதான் அழைப்பார்கள்.
குடும்பச்சூழல் காரணமாக பத்மா சேஷாத்ரி பள்ளியில் அவர் படித்தது ஒன்பதாம் வகுப்பு வரைதான்.
தனது ஜனவரி  6 -ம் தேதி பிறந்த நாளை விமரிசையாக கொண்டாடுவது இல்லை. அதிகாலை தொழுகை,ஆதரவற்றோர் இல்லம் விசிட் என ஆழ்ந்த அமைதியுடன் கழியும் அந்த நாள்.
பசியாறுவதற்கு எந்த உணவாக இருந்தாலும் போதும், சில நேரங்கில் ரசம் சாதம் மட்டும் போதும்.
தங்க நகைகள் மீது துளியும் ஆர்வம் கிடையாது. மெலிதான பிளாட்டினம் மோதிரம் மட்டும் சில நேரங்களில் அணிந்திருப்பார்.கையில் கடிகாரம் கட்டும் பழக்கமும் இல்லை.
எம்.ஜி.ஆர்.,சிவாஜி, படப் பாடல்களை அடிக்கடி விரும்பி கேட்பார்.
படத்தின் இசை கோர்ப்பு பணிகளின் போது கைகளை விரித்துக்கொண்டு புதிய வானம்,புதிய பூமி, எங்கும் பணி மழை பொழிகிறது  என ரஹ்மான் பாடினால் அந்த படத்துக்கான அவர் சம்பந்தப் பட்ட வேலைகள் முடிந்துவிட்டது என்று அர்த்தம்.
குழந்தைகளுக்கு லீவு கிடைத்தால் குடும்பத்தோடு வெளிநாடு போய்விடுவார்.
அங்கும் இசைச் சேர்ப்பு வேலைகள் உள்ளடக்கி இருக்கும்.
சமீபத்தில் ரஹ்மான் இசை அமைத்து இருக்கும் " Couples Retreat " படத்தின் ஆல்பம் 100 மில்லியன் டாலர்கள் வசூலித்திருகிறது. சமீபத்திய ரஹ்மானின் பிரமாண்ட ஹிட்டான அதில் தமிழ் பாடல்களும் உண்டு.
முக்கியமான் இசைவிழாக்களில் தோன்ற உடைகள் தேர்ந்தெடுப்பதில் அதிக கவனம் கொள்வார்.அவருக்கு ஆடை தேர்வு செய்பவர்கள் மனைவி சாய்ராவும், மும்பையின் பிரபல  டிசைனர் தீபக்கும்.
கதிஜா, ரஹீமா, என இரு பெண் குழந்தைகள், அமீன், என ஓர் ஆண் குழந்தை.
தனது சகோதரிகள் ரெஹானா, பாத்திமா, இஸ்ரத்,ஆகியோரிடம், எந்த நிலையிலும் பாசத்தை பொழியும் சகோதரர் " ரஹ்மான் "
சமூக பணிகளில் அதிக ஆர்வம், தான் செய்யும் எந்த உதவியையும் வெளி காட்டிகொள்ளமாட்டார்.
இசைக்கு அடுத்து ரஹ்மானின் விருப்பம் வீடியோ கேம்ஸ், அவருடைய விளையாட்டு தோழர்கள் மகள் கதிஜா, ரஹீமா, மகன் அமீன்.
தன் தாயார் கரிமா பேகத்தோடு  இரண்டு முறை " புனித ஹஜ்ஜு " பயணம் சென்று வந்திருக்கிறார்.
ரஹ்மான் இசை அமைத்து வெளிவந்த முதல் படம் " ரோஜா " என்பது தமிழில்தான். ஆனால் அவர் இசை அமைத்து வெளிவந்த முதல் படம் " யோதா " மலையாளத்தில் மோகன்லால் நடித்த படம்.
இயக்குனர் மணிரத்தினம் எந்த நொடி நினைத்தாலும் ரஹ்மானை சந்திக்க முடியும்.
தன்னை அறிமுகப் படுத்திய இயக்குனர் மீது அவ்வளவு அபிமானம்.
மிகவும் குறைவாகவே பேசுவார். ஆனால் மிக நெருங்கிய நண்பர்களிடம் ரெம்பவே
குதூகலமாகச் சிரித்து பேசுவார்.
பாடகரும் நண்பருமான சாகுல் ஹமீது மறைவில் அதிகம் வருந்தியவர்.
தியாட்டார், பொழுது போக்கு இடங்கள், பார்ட்டிகள் , என எங்கும் ரஹ்மானை பார்க்கமுடியாது.
ஓய்வு நேரங்களைக் கழிக்க விரும்புவது குடும்பத்தினரோடு மட்டும்தான்.