ஓசோன் 2010

வரும் 2010 புத்தாண்டு தினத்திலிருந்து, இந்த உலகை அச்சுறுத்தி வந்த, ஓசோன் படலத்தில் துளையிடக்கூடிய குளோரோ புளூரோ கார்பன் (சி.எப்.சி.,), ஹேலான், கார்பன் டெட்ரா குளோரைடு மாசுகள் இந்த உலகிலிருந்து வெளியேறுவது முற்றிலுமாக தடுக்கப்படுகிறது.

சூரியனிலிருந்து வரக்கூடிய புறஊதாக் கதிர்களை, பூமியை சுற்றி உள்ள ஓசோன் படலம் போர்வை போல் காப்பதால், நாம் அதிகப்படியான வெப்பத்திலிருந்து தப்புகிறோம். கடந்த 1970ம் ஆண்டுகளிலிருந்து ஓசோன் படலத்தில் துளை ஏற்பட்டு வருகிறது. இது தொடர்பாக, 1985ல் வியன்னாவில் நடந்த மாநாட்டில் விரிவாக விளக்கப்பட்ட போது உலகம் அதிர்ச்சி அடைந்தது. ஓசோன் துளையால், புவியின் வெப்பநிலை உயர்வுக்கு காரணமாக அமைந்தது. பருவநிலையில் மாற்றம் ஏற்படுவதற்கும் முக்கிய காரணங்களில் ஒன்றாக அமைந்தது.

1987ல் கனடாவில் உள்ள மான்ட்ரியல் நகரில் ஓசோனை காப்பாற்றும் வகையில் ஐ.நா., சார்பில், மாநாடு நடந்தது. ரெப்ரிஜிரேட்டர், ஏர்கண்டிஷனர்களில் பயன்படுத்தப்படும் குளோரோ புளூரோ கார்பன் (சி.எப்.சி.,), தீ அணைப்பு கருவி உள்ளிட்டவற்றில் பயன்படுத்தப்படும் ஹேலான்கள், ஜவுளி மற்றும் மெட்டல் கிளீனிங் தொழிற்சாலைகளில் பயன்படுத்தப்படும் கார்பன் டெட்ராகுளோரைடு மற்றும் தொழிற்சாலைகளில் பயன்படும் மீத்தைல் குளோரோபார்ம் ஆகியவற்றின் உற்பத்தி மற்றும் உபயோகத்தை, 2010ம் ஆண்டுக்குள் படிப்படியாக நிறுத்திவிட வேண்டும் என்று தீர்மானம் இயற்றப்பட்டது. 195 நாடுகள் கையொப்பம் இட்டுள்ள மான்ட்ரியல் உடன்படிக்கையின் படி, தற்போது 97 சதவீத ஓசோனுக்கு கேடு விளைவிக்கும் மாசுகள் தடுக்கப்பட்டுள்ளன. இதுதான், உலகிலேயே மிகவும் வெற்றிகரமாக அமல் செய்யப்பட்ட சர்வதேச சுற்றுச்சூழல் ஒப்பந்தம். 2010ம் ஆண்டிலிருந்து முற்றிலுமாக இந்த மாசுகள் வெளியேறாது. என்றாலும், ஓசோன் படலம் தன்னை சரிசெய்து கொண்டு பழைய நிலைக்கு, 2050ம் ஆண்டில்தான் திரும்பும் என்று 2006ல் நடந்த ஓசோன் துளை தொடர்பான அறிவியல் பூர்வ மதிப்பீடு தெரிவித்துள்ளது.

உலகம் முழுவதும், தற்போது ஏர்கண்டிஷனர் மற்றும் பிரிட்ஜ்களில் சி.எப்.சி.,களுக்குப் பதிலாக, ஓசோனுக்கு கேடு விளைவிக்காத "ஹைட்ரோபுளூரோ கார்பன்' மற்றும் "ஹைட்ரோகார்பன்கள்' பயன்படுத்தப்பட்டு வருகின்றன. ஓசோனுக்கு கேடு விளைவிக்காவிட்டாலும், கார்பன் டை ஆக்சைடைப் போலவே இவையும் பசுமை இல்ல விளைவை ஏற்படுத்துவதால் புவியின் வெப்பநிலை உயர்வுக்கு காரணமாக அமைகின்றன. எனவே, அடுத்து இவற்றையும் முற்றிலும் நீக்கும் முயற்சிகளும் சவால் நிறைந்ததாகவே தொடர்ந்து வருகின்றன. 1931ல் அமெரிக்காவிலுள்ள நியூஜெர்சியில் "டுயுபாண்ட்' எனும் நிறுவனம்தான் முதன் முதலில், சி.எப்.சி.,யில் தயாரிக்கும் தொழிற்சாலையை தொடங்கியது. தற்போது இதுபோன்று "சி.எப்.சி.,' உற்பத்தி தொழிற்சாலைகளுக்கு முடிவு வந்துவிட்டது என்று கூறலாம். சட்டவிரோதமாக ஒரு நாட்டிலிருந்து இன்னொரு நாட்டுக்கு ஓசோனுக்கு கேடு விளைவிக்கும் பொருட்களை கடத்துவதை தடுக்கவும், ஐ.நா.,வின் சர்வதே சுங்க நிறுவனம் கடினமான சுற்றுச்சூழல் குற்ற சட்ட விதிமுறைகளை அமல் செய்துள்ளது.

இந்தியா வெற்றிகரமாக இலக்கை அடைந்துள்ளது குறித்து, புதுடில்லியில் உள்ள மத்திய அரசின் "ஓசோன் செல்' இயக்குனர் துரைசாமி, தினமலர் இதழுக்கு அளித்த பேட்டி: இந்தியா 1992ல் மான்ட்ரியல் உடன்படிக்கையில் கையெழுத்திட்டது. 2003ம் ஆண்டிலிருந்து இந்தியாவில் பிரிட்ஜ்களில் சி.எப்.சி., உபயோகம் நிறுத்தப்பட்டது. அதற்கு பதிலாக "ஆர் 134-ஏ' எனும் ஓசோனுக்கு கேடு விளைவிக்காத பொருள் பயன்படுத்தப்படுகிறது. சில நிறுவனங்கள் ஹைட்ரோகார்பன் பயன்படுத்துகின்றன. 2008 ஆக. 1லேயே இந்தியாவில் சி.எப்.சி., உபயோகம் மற்றும் உற்பத்தி முழுவதுமாக நிறுத்தப்பட்டு விட்டது. இது 2010ம் ஆண்டுக்கு முன்னரே இந்தியா தனது கடமையை செய்துவிட்டது. ஹேலான்களை 2002ல் இந்தியா முழுவதுமாக குறைத்துக் கொண்டது.

கார்பன் டெட்ரா குளோரைடைப் பொறுத்தவரை 2007லேயே 85 சதவீதத்தை இந்தியா குறைத்துக் கொண்டது. தற்போது முற்றிலும் குறைத்துவிட்டது. இந்தியாவில் ஓசோனுக்கு கேடு விளைவிக்கும் பொருட்களை ஒழித்துக் கட்டியபோதே, நிறுவனங்கள் புதிய தொழில்நுட்பங்களுக்கு மாறிக் கொள்வதற்கான நிதி ஒதுக்கீடு அளித்துள்ளதால் நிறுவனங்கள் பொருளாதார ரீதியில் பாதிப்படையவில்லை. ஆஸ்துமா நோயாளிகளுக்கான இன்ஹேலர்கள் தயாரிப்பில் மட்டுமே இனி சி.எப்.சி., இருக்கும். அது மான்ட்ரியல் வரைமுறையின் படி, அனுமதிக்கப்பட்டதுதான். இவ்வாறு அவர் தெரிவித்தார். மான்ட்ரியல் உடன்படிக்கையை சிறந்த முறையில் அமல் செய்த நாடு என்பதற்கான ஐ.நா.,வின் விருதையும் இந்தியா பெற்றுள்ளது. ஓசோனுக்கு கேடு விளைவிக்கும் பொருட்களுக்கு விடை கொடுத்து புதிய சுவாசத்துடன் 2010 புத்தாண்டு விடியப்போகிறது.

உருகும் பனி: ஆர்க்டிக் மற்றும் அண்டார்டிகா பகுதியில் ஓசோன் இழப்பு குளிர்காலத்தில் அதிகமாக ஏற்படுகிறது. அப்போது வெப்பநிலை - 78 டிகிரிக்கு செல்லும் போது, குளிர்ச்சி அடைந்த மேகங்கள் பனிக்கட்டிகளாக மாறுகின்றன. இந்த பனியில் மாசுகளான நைட்ரிக் அமிலம், சல்பியூரிக் அமிலம் ஆகியன கலந்து குளோரோ புளூரோ கார்பன் (சி.எப்.சி.,) வினைபுரிய தூண்டுகின்றன. ஆகவே அப்பகுதியில் வெப்பம் அதிகரித்து பனி உருக காரணமாக அமைகின்றன. கடந்த 30 ஆண்டுகளில் இல்லாத அளவுக்கு தற்போது அண்டார்டிகா பகுதியில் ஓசோனில் துளை ஏற்பட்டுள்ளது.

பூமியை காக்க: வளிமண்டலத்தில் சேர்ந்துள்ள மாசுகளில் கார்பன் டை ஆக்ச�டு 86 சதவீதம். "ஓசோனுக்கு கேடு விளைவிக்கும் சி.எப்.சி., உபயோகத்துக்குப் பதிலாக ஹைட்ரோபுளூரோகார்பன் பயன்படுத்துவதால் அது வளிமண்டலத்தில் இந்த மாசு அளவு 9 சதவீதமாக கடந்த 5 ஆண்டுகளில் அதிகரித்துள்ளது' என்று சர்வதேச தட்பவெப்பநிலை நிறுவன தலைமை செயலாளர் மைக்கேல் ஜக்கார்ட் தெரிவித்துள்ளார். இவையும் புவி வெப்பமாக காரணமாக அமைகின்றன.

ஓசோனுக்கு கேடு விளைவிக்கும் ரசாயனங்களை குறைத்தது போல், தொழிற்சாலை, வாகன மற்றும் பிற மாசுகளின் வெளியேற்றத்தை கட்டுப்படுத்த, டிசம்பர் 15ல் கோபன்ஹேகனில் நடைபெறும் உச்சி மாநாட்டில் நாடுகளுக்கு இலக்கு நிர்ணயிக்கப்படுகிறது. வளர்ந்த நாடுகளும் பிற நாடுகளும் அதை சரியாக கடைபிடிக்கும் பட்சத்தில் இந்த பூமி நாம் வாழத்தகுந்ததாக தொடரும்.

காடுகளுக்கு பாதிப்பு: ஓசோனில் ஏற்பட்டுள்ள துளை புவி வெப்பமயமாவதற்கு காரணமாக அமைவதால் காடுகளின் அடர்த்தி குறைகிறது. காடுகள் அழிவதாலும், மனித தேவைகளுக்கு அழிப்பதாலும் கார்பன் மறு சுழற்சி பாதிக்கப்படுவதால், புவி மேலும் வெப்படைகிறது.

பருவநிலை மாற்றம்: வெப்பம், ஈரப்பதம், காற்று மற்றும் வளிமண்டலத்தில் உள்ள ரசாயனப் பொருட்கள் ஓசோனை பாதிக்கின்றன. ஓசோன் பாதிக்கப்பட்டால் சூரியனின் புற ஊதாக் கதிர்கள் பூமியை அடைவதால் பருவ நிலை மேலும் பாதிக்கிறது. பருவநிலை பாதிப்பு வறண்ட பூமியையும் மகசூலில் பாதிப்பையும் ஏற்படுத்தி விவசாயத்துக்கு பெரிய இழப்பை ஏற்படுத்துகின்றன.

அண்டார்டிகா பகுதியில் ஏற்பட்டுள்ள துளை தற்போது கடந்த 30 ஆண்டுகளில் இல்லாத அளவில் பெரிதாக உள்ளது. தரையிலிருந்து 50 கி.மீ., தொலைவில் உள்ள ஸ்ராடஸ்பியர் வளிமண்டல பகுதியில்தான் ஓசோன் வாயு காணப்படுகிறது. சூரியனிலிருந்து வரும் அதிக வெப்பமிக்க, தோல் புற்றுநோய் ஏற்படுத்தக்கூடிய புற ஊதாக் கதிர்களை இந்த வாயுப்படலம் பிரதிபலித்து பூமியில் விழாமல் தடுத்து விடுகிறது. இதனால் மனிதர்கள், தாவரங்கள் மற்றும் விலங்குகள் காக்கப்படுகின்றன. ஓசோன் துளை உள்ள இடங்களில் புற ஊதாக் கதிர்கள் புகுந்துவிடுவதால், பூமியின் தரைப்பகுதியில் வெப்பத்தை அதிகரிக்கிறது.

“செக்ஸ்” ஆர்வத்தை கால் அசைவால் கண்டுபிடிக்கலாம்; புதிய விஞ்ஞான தகவல்

“செக்ஸ்” ஆர்வத்தை கால் அசைவு மூலம் கண்டு பிடிக்கலாம் என்று புதிய ஆய்வு தெரிவிக்கிறது. ஒருவருடைய மனதில் என்ன இருக்கிறது என்பதை கண் அசைவு மற்றும் முகமாற்றங்கள் மூலம் கண்டுபிடிக்கலாம் என்பது ஏற்கனவே உள்ள நடைமுறை.

இப்போது கால் அசைவு மூலம் கூட மனதில் இருப்பதை கண்டு பிடித்து விடலாம் என்று இங்கிலாந்து மான்செஸ்டர் பல்கலைக்கழக மனோதத்துவ விஞ்ஞானி கோவரி பியெச்டல் கூறுகிறார். இது தொடர்பாக பல்வேறு ஆய்வுகளை நடத்தி இந்த தகவலை வெளியிட்டு உள்ளார்.

ஒரு பெண்ணுக்கு ஒருவர் மீது விருப்பம் இருந்தால் அவரை பார்த்ததும் நேராக நிற்கும் கால் பாதங்களை சற்று சற்று தளர்த்தி உடலை விட்டு விலகியபடி வைத்துக்கொள்வார்.

அவரை பிடிக்கவில்லை என்றால் கால்களை பெருக்கல்குறி போல குறுக்காக கால் நுனியை மடக்கியபடி விரைப்பாக வைத்து கொள்வார்.
 

இது போல செக்ஸ் ஆர்வம் இருக்கும் நேரங்களில் கால்களை வைத்திருக்கும் விதம், அசைவுகள் மாறி விடும் இதை வைத்தும் கண்டு பிடித்து விடலாம். அதே போல கோபம், ஏமாற்றம் எண்ணம் போன்றவற்றையும் கால் அசைவு மூலம் தெரிந்து கொள்ளலாம் என்று அவர் கூறுகிறார்

அரிசி இறக்குமதி செய்ய வேண்டிய அவலம் வந்தது ஏன்?

"உற்பத்திக் குறைவைச் சமாளிக்க, மத்திய அரசு, அரிசியை இறக்குமதி செய்யத் திட்டமிட்டுள்ளது' என, மத்திய அமைச்சர் ஆனந்த் சர்மா சமீபத்தில் தெரிவித்தார். உணவு உற்பத்தியில் உபரியாக இருந்த நாடு, இன்று அரிசியை இறக்குமதி செய்ய வேண்டிய அவல நிலைக்குத் தள்ளப் பட்டுள்ளதற்கான காரணம் என்ன?

கடந்த 1969ம் ஆண்டு பசுமைப் புரட்சி ஆரம்பிக்கப் பட்டது. அப்போது, நிறைய ரசாயன உரங்களையும், குட்டை ரக நெல்களையும், பூச்சிக் கொல்லிகளையும், அறிமுகம் செய்தனர். அதில், விவசாயிக்கு செலவு அதிகம் ஆனது. ரசாயனம் போட்டதால், நிலவளம் குறைந்துகொண்டே வந்தது. அதற்காக, அதிக ரசாயன உரம் இட்டனர். உரம் விற்கும் முதலாளிகள் நினைத்த போதெல்லாம் விலையை ஏற்றவிடாமல், அரசாங்கம் பார்த்துக் கொண்டது. அதிகமாக விளையும் பொழுது கொள்முதல் செய்யாமல், அதிகாரிகள் விட்டுவிடுவர். தனி வியாபாரிகள் குறைந்த விலைக்கு நெல்லை பிடித்து, அதிக தூரம் கடத்துவர். ஆனால், அதன் பலன் விவசாயிக்கு கிடைக்கவில்லை. பருவகால மாறுதல்களால், விளைச்சல் குறைவாக இருக் கும் நேரத்தில் தனியாரை பிடிக்கவிட மாட்டார்கள். அரசாங்கமே குறைந்த விலையில் கொள்முதல் செய்யும். அந்த வகையில், கூட விளைந்தாலும் குறைவாக விளைந்தாலும் விவசாயிக்கு நன்மையில்லை. இதன் விளைவாக, நிறைய நெல் விளையும் நிலங்கள், கரும்பு விளையும் நிலமாக மாற்றப்பட்டன. தமிழகத்தில் மட்டும் 1955ம் ஆண்டு 27 லட்சம் ஹெக்டேர் நெல் விளைந்தது. 2009ம் ஆண்டு 20 லட்சம் ஹெக்டேராக குறைந்து உள்ளது.

தொடர்ந்து ரசாயன உரம், பூச்சிக்கொல்லி, களைக் கொல்லி எல்லாம் மண்ணில் இட்டதனால், பாதி விளை நிலம், உவர் நிலமாக மாறியது. இதனால், நுண் ணூட்ட பற்றாக்குறை வந்தது. மொத்தத்தில், விளைச்சல் குறைந்துகொண்டே வந்தது. இப்பொழுது, இந்த நூறு நாள் வேலை திட்டம் வந்ததால், விவசாய வேலைக்கு ஆட்களே இல்லை. விளைந்த நிலம், அறுக்க ஆள் இல்லாமல் நிலத்திலேயே கொட்டி நெல் முளைக்கிறது. வேறு வழியின்றி, விவசாயி வேறு பயிருக்கு மாறிக் கொண்டே இருக்கிறார். போதாத குறைக்கு, நிறைய தொழிற்சாலைப் புகை வருவதால், வளிமண்டலம் கரியாகி சூடாகிறது. நகரமயமாக்கம், தொழில் மயமாக்கம் என்ற பெயரில், விளை நிலங்கள் பட்டணமாக விரிந்துவிட்டன. ஆற்றோரங்களில் தொழிற்சாலைகள் கட்டி, தொழிற்சாலை கழிவுகளை ஆற்றில் விட்டதால், விளைநிலங்கள் பாழாகின (உதாரணம்: பாலாறு, நொய்யலாறு). மண்ணில் போடப்படும் தழைச்சத்து உரங்கள், நைட்ரஸ் வாயுவை வெளியிடுகின்றன. இதுவும் ஆகாயத்தை சூடாக்குகிறது. ஆகையால் தட்பவெப்ப நிலை மாறுகிறது. விதைக்கும் பொழுது மழை இல்லாமல் இருக்கிறது. அறுக்கும் நேரத்தில் மழை பெய்து கெடுக்கிறது.

பூமி சூடாவது, அதனால் தட்ப வெப்பநிலை மாறுவது, அதனால் வறட்சியையும் அதிக வெள்ளத்தையும் நாடு சந்திக்கிறது. மத்திய வேளாண் அமைச்சர் சரத் பவார் கூற்றுப்படி, 2009ம் ஆண்டில் 28 சதவீதம் மழைக்குறைவு. மொத்த சாகுபடி நிலத்தில், மூன்றில் ஒரு பங்கு வறட்சியில் பாதிக்கப்படுகிறது. இந்த ஆண்டு ஆரம்பத்தில் மேட்டூரில் தண்ணீர் இல்லாததால், காவிரி படுகையில் 100 ஆண்டுகள் காணாத வெள்ளம். அதனால் விளைச் சல் பாதிக்கப்பட்டு உள்ளது. குட்டை ரக நெல்லை புகுத்தி டிராக்டரையும் நுழையவிட்டதால், மாடுகள் தொடர்ந்து கசாப்பு கடைக்கு சென்றுகொண்டே இருக்கின்றன. ஆகையால், நிலத்தின் வளத்தை புதுப்பிக்க சாணியே இல்லாமல் போயிற்று. அண்டை மாநிலங்களுக்கு இடையில், தண்ணீர் தகராறே 20 ஆண்டுகளாக தீர்க்கப்படாமல் உள்ளது. அதனாலும் உற்பத்தி குறைந்துகொண்டே உள்ளது. எப்போதுமே, வியாபாரிகள் பதுக்கி வைத்திருக்கும் தானியங்களை அரசு எடுப்பது இல்லை. மாறாக, வெளிநாட் டிலிருந்து இறக்குமதி செய்வதில் சம்பந்தப்பட்டவர்களுக்கு ஆதாயம் இருக்கிறது.

நம் நாட்டில் இன்னும் 60 சதவீதம் நிலம், நேரடியாக மழையை நம்பி உள்ளது. இந்த நிலங்களில் மக்கள் நவதானியங்களை பயிர் செய்து சாப்பிட்டுக் கொண்டு இருந்தனர். ஆனால், அரசாங்கம் ரேஷன் கடையை திறந்து அரிசி, கோதுமை இரண்டை மட்டுமே போடுவதால், நவதானிய சாகுபடி குறைந்துகொண்டே வந்தது. இதுவரை அரசாங்கத்தின் கொள்கை, ஆலைத் தொழில் களை மட்டும் காப்பாற்றுவதாகவே இருந்தது. இந்த கொள்கை மாற்றப்பட வேண் டும். உழவர் நலனுக்காகவும் நுகர்வோர் நலனுக்காகவும் வேளாண்மை மேற் கொள்ளப்பட வேண்டும். ரசாயனம் நீங்கிய இயற்கை வேளாண்மைக்கு முக்கியத்துவம் தரப்பட வேண்டும். உர மானியம் என்ற பெயரில், கம்பெனிகளுக்கு ஒரு லட்சத்து 14 ஆயிரம் கோடி ரூபாய் அள்ளிக் கொடுக்கப்படுகிறது. இந்த மானியம், உழவர்களுக்கு நேரடியாக வழங்கப்பட வேண்டும். மடகாஸ்கர் நெல் சாகுபடி முறையைத் தான், செம்மை நெல் சாகுபடி என்கின்றனர். இந்த முறைக்கு, நெல் வயலில் தண்ணீர் நிறுத்த வேண்டியதில்லை. ஆனால், நீர் பாயவும், காயவும் இருந்தால் தான் விளைச்சல் உயர்வதாக கதைகட்டி அவிழ்த்துவிடுகின்றனர்.

தமிழகத்தைப் பொறுத்தவரை 52 லட்சம் ஏக்கரில் 80 லட்சம் டன் நெல் அறுவடை செய்கின்றனர். இயற்கை விவசாயம் மூலம், ஒரு ஏக்கர் நிலத்தில் 4,000 கிலோ நெல் அறுவடை செய்கின்றனர். ஆங்காங்கே சில விவசாயிகள், வேளாண் துறையின் உதவியோடு 5,000 கிலோ வரை அறுவடை செய்து இருக்கின்றனர். இயற்கை விவசாயத்தின் அடிப்படையில், ஆந்திராவைச் சேர்ந்த நாகரத்தின நாயுடு 7,000 கிலோ அறுவடை செய்திருக்கிறார். அதாவது பசுமைப் புரட்சி கால விளைச்சலைப் போல மூன்று மடங்கு அறுவடை செய்து வருகின்றனர். ஆனால், இயற்கை வேளாண் முறையைப் பின் பற்றும் உழவர்களுக்கு மானியத் தொகை கிடைப்பது இல்லை. இவர்களுக்கு ஏக்கருக்கு, 3,000 ரூபாய் மானியமாக அளித்தால், ஏராளமான விவசாயிகள் இயற்கைக்கு மாறுவர். இயற்கைக்கு மாறாமல், மண் வளமாவதோ, நுண்ணூட்ட பற்றாக்குறை சரிசெய்யப்படுவதோ சாத்தியம் இல்லை. மானாவாரியாக பயிரிடப்படும் சோளம், கம்பு, வரகு, கேழ்வரகு, குதிரைவாளி, தினை, சாமை, காடைகன்னி போன்ற பயிர்ச் சாகுபடியை ஊக்குவிக்க வேண்டும். அப்படி விலை நிர்ணயம் செய்து, கொள்முதல் செய்து, குறைந்த விலையில் ரேஷன் கடையில் நுகர்வோருக்கு வழங்க வேண்டும். இப்படி செய்வதால் அரிசித் தேவை குறையும். உடனடியாக மத்திய அரசு தலையிட்டு, அடுத்தடுத்த மாநிலங்களுக்கு இடையில் உள்ள தண்ணீர் தகராறைத் தீர்த்துவைக்க வேண்டும். அனைத்து உழவர்களும் கூட்டுறவு வங்கியில் உறுப்பினர் ஆக்கப்பட்டு, வட்டியில்லா பயிர்க் கடன் வழங்கப்பட வேண்டும்.

சொட்டு நீர், தெளிப்பு நீர் சாதனங்களை மானிய விலையில் கொடுப்பதாகக் கூறி, உழவர்களுக்குச் செலவு அதிகமாக்கப்படுகிறது. மாறாக, நூறு சதவீதம் மானியத்தில் தெளிப்பு நீர் வசதி செய்து கொடுக்கப்பட்டால், மின்சக்தி தேவை குறையும். தண்ணீர் தேவை குறையும். நெல் உற்பத்தி உயரும். பூமி சூடாவது தனியும். மலைப்பகுதிகளில் மக்கள் ஒத்துழைப்புடன் ஆக்கிரமிப்புகள் அகற்றப்பட்டு, காடுகள் வளர்க்கப்பட வேண்டும். ஏரிகள் ஆழப்படுத்தப்பட்டு மழைநீர் (வெள்ளம் வரும் பொழுது) சேமிக்க வேண்டும். காட்டு ஆறுகள் கடலில் கலப்பதற்கு முன், தடுப்பு அணைகள் கட்டி, நிலத்திற்கு அடியில் நீரை சேமிக்க வேண்டும். கொள்ளிடம், காவிரி போன்ற ஆறுகளில் கதவணைகள் எழுப்பி நீரை நிலத்திற்குள் இறக்கி, வறட்சியில் இருந்து பயிரை மீட்க வேண்டும். ஆறுகளில் கட்டுப்பாடு இல்லாது மணல் அள்ளுவது தடுக்கப் பட வேண்டும். மானிய விலையில் அனைத்து உழவர்களுக்கும் கொளுஞ்சி விதை (உரச்செடி) வினியோகம் செய்ய வேண்டும். கால்நடைகள் மாவட்டம் தாண்டி கடத்தப்படுவது தடை செய்யப்பட வேண்டும். இப்படி ஒரு நிலை மேற்கொண்டால், இந்தியா மீண்டும் அரிசியை ஏற்றுமதி செய்யும் நாடாக மாறுவதற்கு வாய்ப்பு உள்ளது.

நன்றி:

 நம்மாழ்வார், வேளாண் விஞ்ஞானி

சிக்ஸ்த் சென்ஸ் " பிரணவ் மிஸ்ட்ரி "

சிக்ஸ்த் சென்ஸ் " பிரணவ் மிஸ்ட்ரி "
பிரணவ் பற்றி:குஜராத்தை சேர்ந்த 28 வயது பிரணவ், மும்பை I.I.T யில் பட்டம் பெற்று அமெரிக்கா சென்றவர் மைக்ரோசாப்ட்டில் சில காலம் பணிபுரிந்துள்ளார். இதற்கு முன்னரே 3D பேனா,குறிப்புத்தால்கணினி,பிசிக்கல் மேப் என விளையாடியவர்.அவரின் கண்டுப்பிடிப்பே இந்த " சிக்ஸ்த் சென்ஸ் "
சந்தேகமே இல்லை... இந்தியாவும் இந்தியர்களும் இந்த உலகத்தின் பரிணாம வளர்ச்சிக்கு முக்கியம். இந்தியரான ஆர்யபட்டா" பூஜ்யம் " கண்டுப்பிடித்த பிறகுதான் கணிதம் நாலுகால் பாய்ச்சலில் பரிணமித்தது.இப்போது இந்த கணினி யுகத்திலும் ஓர் இந்தியனின் கண்டுப்பிடிப்புதான் " Talk Of The World "
பிரணவ் மிஸ்ட்ரி உலகத்தில் இதுவரை வாழ்ந்த மூன்று சிறந்த கண்டுப்பிடிப்பாளர்களுள் " பிரணவ் " நிச்சயம் என்பது ஒரு வரி அறிமுகம்.உலகின் தலை சிறந்த அறிவியல் ஆய்வு கூடம் அமெரிக்காவின் மாசாசூட்ஸ் ஆய்வு கூடம். அங்கு அறிவியல் கண்டுப்பிடிப்புகளை வணிகரீதியில் உருவாக்குவது பற்றி ஆய்வு செய்வது எம்.ஐ.டி.பரிசோதனைக்கூடம்.
அதன் டக்டரடே மாணவரான பிரணவ் கண்டுப்பிடித்திருப்பதுதான் " சிக்ஸ்த் சென்ஸ் " ஆறாவது அறிவு.

கிட்டத்தட்ட மனிதனின் கைகளில் இருக்கும், மூளையின் செயல் திறனுக்கு ஒப்பான ஒரு கருவி.சிம்பிளாக ,உங்கள் உள்ளங்கையில் ஒரு லேப்டாப்பைப் புதைத்து வைத்திருப்பதற்கு ஒப்பான ஒரு டெக்னாலஜி .சுருக்கமாக " பேப்பர் லேப்டாப் " என்கிறார்கள்.
தொப்பி அல்லது கண்ணாடியில் அணிந்துகொள்ளகூடிய ஒரு கேமரா, சின்ன ப்ரொஜெக்டர்,கீ செயின் வடிவில் பாக்கெட்டுக்குள்  அடங்கும் ஒரு சின்னமெசின், விரல் முனைகளில் பொருத்திகொள்ளும் வளையங்கள்.இவ்வளவுதான் " சிக்ஸ்த் சென்ஸ் "
உங்கள் கண் பார்வை பதியும் இடங்களில் லென்ஸ் பதியுமாறு அந்தக் கேமராவை பொருத்திக்கொள்ளவேண்டும்.நீங்கள் பார்க்கும் எந்த பொருள் அல்லது சம்பவம் பற்றி உங்களுக்கு தகவல் தெரிய வேண்டும் என்றாலும், விரல் சொடுக்கினால், விவரங்கள்
வீடியோ வடிவில் புள்ளி விவரங்களுடன் உங்கள் உள்ளங்கையையே திரையாக்கி காட்சிகளாக விரியும்.
வெள்ளைத்தாள்,  சுவர்,துணி,பாலிதீன் உறை,கண்ணாடி என எதிரில் இருக்கும் எந்த பொருளின் மீதும் விவரங்களைப் புராஜெக்ட் செய்யலாம். தேவைப்படும் மாற்றங்களையும் எடிட் செய்து பதிவேற்றி உலகத்துக்கு உண்மைகள் சொல்லலாம்.கம்ப்யூட்டர் படிப்புகளில்
ஊறித் திளைத்து பட்டம் பெற்றவர்கள் மட்டும்தான் இதை பயன்படுத்தமுடியும் என்பது இல்லை. அடிப்படை ஆங்கிலம் தெரிந்த, செல்போன் இயக்கத்தெரிந்த எவரும் அதே லாவகத்தோடு இந்த " சிக்ஸ்த் சென்ஸை " பொருத்தி உபயோகபடுத்தலாம்  என்பது இன்னொரு விசேஷம்.

       

புரொஜெக்டர்,கேமரா சென்ஸார்,எல்லாம் முந்தியே இருக்கிறதுதானே,அந்த மூன்றையும் ஒருங்கினைத்திருகிறான்,இதற்கு  ஏன் இத்தனை உற்சாகக் கூக்குரல் எனக் கேட்கும் ஜீனியஸ்களே --- ஒரு நிமிடம், தரமான நிறுவனத்தின் மிகக்  குறைந்தபட்ச  நினைவு திறன், வேகம் கொண்ட ஒரு மேசை கணினியின் விலையே குறைந்த பட்சம்
20 ஆயிரத்தில் இருந்துதான்துவங்கும்.ஆனால் கிட்டத்தட்ட உலகத்தையே உள்ளங்கையில் அடக்கும் இந்த " சிக்ஸ்த் சென்சின் "  விலை 15 ஆயிரத்துக்குள்தான்.அதிலும் அந்த சிக்ஸ்த் சென்சின் ரகசியத்தை உலகத்துக்கு இலவசமாக அளிக்க போகிறேன் என்று
பிரணாவ் அறிவித்திருப்பதுதான் சிலிக்கன் வேலியின் இன்றைய நம்பமுடியாத பர பர விவாதம்.
விண்டோஸ் என்ற ஒற்றை மென்பொருள் மூலம் பில் கேட்ஸ் உலகின் நம்பர் 1 பணக்காரர் ஆனதுபோல,இந்த சிக்ஸ்த் சென்ஸ்  மூலம் பிரணாவ் அவரைகாட்டிலும் கோடிகளில் டாலர்களை குவிக்கலாம்.அந்த வாய்ப்பைத்தான் " ஜஸ்ட் லைக் தட் "
உதாசீனப்படுத்தீருக்கிறார் பிரணாவ்.உலகின் போக்கை தீர்மானிக்கும் மல்டி நேசனல் நிறுவனங்கள் இந்த சிக்ஸ்த் சென்ஸை   என்னிடம் விலை பேசின..ஆனால் சிக்ஸ்த் சென்ஸை உலகின் அனைத்து மக்களிடமும் கொண்டு சேர்ப்பதுதான் என் கனவு.
அதை சாத்தியப்படுத்தும் ஆசையுள்ள எவருடனும் கைகோர்க்க ஆவலாக உள்ளேன். இந்திய அரசாங்கம் ஆர்வம் காட்டினால் முதல் முன்னுரிமை அவர்களுக்குதான் என்று அறிவித்துள்ளார் பிரணாவ்.   சபாஸ்.


 

சுவிட்சர்லாந்தில் நடப்பது என்ன

சர்வதேச அரங்கில் அரசியல் சாராநிலையையும் மதச்சார்பின்மையையும் கட்டிக்காக்கும் நாடுகளுள் ஒன்றாகக் கருதப்படுவது சுவிட்சர்லாந்து. கிட்டத்தட்ட இருநூறு ஆண்டுகளாக எந்த நாட்டுடனும் சண்டையிட்டுக் கொண்டதில்லை. இரு உலகப்போர்களின்போதும் தாக்குதல்களிலிருந்து தப்பித்துக் கொண்டது. ஆதரவு தேடிவந்த அச்சு நாடுகளுடனும் நேச நாடுகளுடனும் வெறுப்பைச் சம்பாதித்தபோதும், நடுநிலைமை தவறவில்லை என சுவிட்சர்லாந்தைப் பற்றி வரலாறு சொல்கிறது. கூட்டாட்சி ஜனநாயகத்தை அமைத்த இரண்டாவது நாடு என்கிற பெருமையும் சுவிட்சர்லாந்துக்கு உண்டு. அரசு இயற்றும் சட்டங்களை கருத்தறியும் தேர்தல்கள் மூலமாக மக்கள் எப்போது வேண்டுமானாலும் எதிர்க்க முடியும். அந்த அளவுக்கு மேம்பட்ட மக்களாட்சியைச் செயல்படுத்திக் கொண்டிருக்கும் நாடாகவும் சுவிட்சர்லாந்து கருதப்படுகிறது. இப்படிப்பட்ட தனித் தன்மைகளைக் கொண்டிருக்கும் சுவிட்சர்லாந்து, தனது அடையாளங்களை இழக்கும் அபாயத்தில் இப்போது சிக்கியிருக்கிறது.
÷சுமார் 78 லட்சம் மக்கள்தொகை கொண்ட சுவிட்சர்லாந்தில் கிட்டத்தட்ட 4 லட்சம் பேர் முஸ்லிம்கள். யுகோஸ்லாவியா போன்ற பால்கன் நாடுகளிலிருந்தும்  துருக்கியப் பிரதேசங்களில் இருந்தும் இவர்கள் வந்திருப்பதாக ஆவணங்களில் குறிப்பிடப்பட்டிருக்கின்றன. வெவ்வேறு மதங்களைச் சேர்ந்தவர்கள் இருந்தபோதும், இதுவரையில் பெரிய அளவிலான மத வன்முறைகள் ஏதும் நிகழ்ந்திருப்பதாகத் தகவல் இல்லை. வெளிநாடுகளிடம் எப்படி நல்லபேர் எடுத்திருக்கிறதோ, அதே போல் உள்நாட்டிலும் சர்ச்சைகள் எழாவண்ணம் அடுத்தடுத்து வரும் அரசுகள் நடந்து கொண்டிருக்கின்றன. ஆயினும் கடந்த சில ஆண்டுகளாக அங்கு மதங்களுக்கு இடையே கசப்புணர்வு ஏற்பட்டிருக்கிறது.
÷சில காலம் முன்பு தனது பணியாளர்கள் தொப்பி வைத்து வருவதற்கு சூப்பர் மார்க்கெட் ஒன்றின் நிர்வாகிகள் தடை விதித்ததையடுத்து சர்ச்சை கிளம்பியது. சிறிய அளவிலான போராட்டத்திலேயே இந்தத் தடை உடைக்கப்பட்டது. இதேபோல், பள்ளிகளில் நீச்சல் பயிற்சியின்போது உடல் முழுவதும் மறைக்கும் ஆடைகளை மாணவிகள் அணிவதற்கும் போராட்டத்தின் மூலமாக அனுமதி பெறப்பட்டது. அப்போதெல்லாம் பெரிய அளவிலான விமர்சனங்கள் எழவில்லை. நாட்டின் பெயருக்கு எந்தக் களங்கமும் ஏற்பட்டுவிடவில்லை. ஆனால், முஸ்லிம்களுக்கும் கிறிஸ்தவர்களுக்கும் இடையே கசப்பு ஏற்படுவதற்கு இதுபோன்ற சம்பவங்கள் காரணமாக அமைந்ததாகக் கருதப்படுகிறது.
÷நாட்டின் மக்கள் தொகையில் சுமார் 5 சதவீதம் வரை இருக்கும் முஸ்லிம்களுக்கு சுமார் 150 மசூதிகளே இருப்பதாக அறியப்படுகிறது. அவற்றிலும் நான்கில் மட்டுமே சிறிய வகையிலான மினார்கள் எனப்படும் கோபுரங்கள் அமைக்கப்பட்டிருக்கின்றன. சில இடங்களில் மசூதிகள் என்று அதிகாரப்பூர்வமாக அறிவிக்கப்படாத தொழுகை நடத்துவதற்கான அறைகளும், கட்டங்களும் இருக்கின்றன. அங்கெல்லாம் மினார்கள் அமைக்க அனுமதி கோரினால், உள்ளாட்சி நிர்வாகத்தினர் அனுமதி தருவதில்லை என்கிற புகார் தொடர்ந்து எழுந்து வந்தது. மினார்கள் என்பது மதம் பரவுவதற்கான மூலமாகவும் அடையாளமாகவும் கருதப்பட்டதே இதற்குக் காரணம்.
இந்த நிலையில், 2004}ம் ஆண்டில் மசூதி ஒன்றில் மினார் அமைப்பதற்கான பணிகள் தொடங்கப்பட்டபோதுதான் புதிய வடிவிலான பிரச்னை தலைதூக்கியது. மத அடையாளங்களை வலுப்படுத்துவதற்காகவே மினார்கள் அமைக்க திட்டமிடப்படுவதாக அந்த மசூதியைச் சுற்றியிருந்தவர்கள் சிலர் கூறியதால் விஷயம் விவகாரமானது. அரசியல் ரீதியாகவும் மத அடிப்படையிலும் மினார் அமைப்பதற்கு நெருக்கடி தரப்பட்டது.
÷ஒருவழியாக குறிப்பிட்ட அந்த மசூதியில் கடந்த சில மாதங்களுக்கு முன் மினார் அமைக்கும் பணி முடிக்கப்பட்டது. ஆனால், அதனால் எழுந்த பிரச்னையின் தீவிரம் குறையவேயில்லை. இதுவே தேசிய அளவிலான பிரச்னையாக உருவெடுத்தது. மினார்கள் அமைப்பதற்குத் தடை விதிக்க வேண்டும் என சில மத அமைப்புகளும், அரசியல் கட்சிகளும் கோரிக்கை விடுத்தன. மினார் கட்ட அனுமதிப்பது ஷரியத் போன்ற பிரத்யேகமான சட்டத்தை பின்பற்றச் சொல்வதற்கு முன்னோட்டமாக அமையும் என்று கூறப்பட்டது. கொஞ்ச காலத்தில் மக்களுக்கான போராட்டம்  என்பது போன்ற தோற்றம் இதற்கு ஏற்பட்டது.
÷இதன்பிறகுதான் சுவிட்சர்லாந்து அரசு விழித்துக் கொண்டு நாடாளுமன்ற அவைகளில் விவாதிக்க முடிவெடுத்தது. வெவ்வேறு தருணங்களில் கூடிய இரு அவைகளும் இந்தக் கோரிக்கையை நிராகரித்தன. மினார்கள் தடை செய்யப்படுவதை நாட்டு மக்கள் விரும்பவில்லை என அறிவிக்கப்பட்டது. இந்த அறிவிப்பின் மூலம் சுவிட்சர்லாந்தின் நடுநிலைமை காக்கப்பட்டதாகக் கருதப்பட்டது.
÷ஆனால், கடந்த சில ஆண்டுகளாகவே, சுவிட்சர்லாந்தில் வெளிநாட்டினர் குடியேற்றத்தை எதிர்த்து வரும் சவிட்சர்லாந்து மக்கள் கட்சி, மினார்களுக்கு எதிரான பிரசாரத்தை முடுக்கிவிட்டது. அவ்வளவுதான், மினார்கள் பிரச்னை அரசியல் பிரச்னையானது. தெருக்களிலிருந்து இணையம் வரையிலும் பிரசாரம் செய்யப்பட்டது. மினார்கள் கட்டுவது உலகப் பிரச்னையானது.
÷சுவிட்சர்லாந்தைப் பொருத்தவரை முன்பே கூறியதுபோல், மக்கள்தான் பிரதானம். மற்ற நாடுகளுடனான அரசியல் உறவுகள், பன்னாட்டு நிறுவனங்களுடனான உறவுகள், ஒப்பந்தங்கள் போன்றவற்றிலும் மக்கள் கருத்தறியப்படுகிறது. அந்த வகையில் மினார்கள் கட்டுமானத்தைத் தடை செய்ய வேண்டும் என்கிற கோரிக்கை எழுப்பப்பட்டதால், இதையும் மக்கள் முடிவுக்கே விட்டுவிட சுவிட்சர்லாந்து அரசு தீர்மானித்தது. அதன்படி, மக்கள் கருத்தறியும் வாக்கெடுப்பு ஞாயிற்றுக்கிழமை (29.11.2009) நடந்து முடிந்திருக்கிறது.
÷இந்தத் தேர்தல் முடிவுகள் வெளிவருவதற்கு முன்பே, இஸ்லாமிய நாடுகளுக்கும் சுவிட்சர்லாந்துக்கும் இடையேயான உறவில் அதிர்வு ஏற்பட்டது. தடை விதிப்பதற்கு ஆதரவாக மக்கள் வாக்களித்துவிட்டால், உலக அரங்கில் சுவிட்சர்லாந்தின் மரியாதை சரிந்துபோகும் என்பதை உணர்ந்த அரசு, மினார்களுக்குத் தடை விதிக்கும் கோரிக்கைக்கு ஆதரவாக வாக்களிக்க வேண்டாம் எனப் பிரசாரம் செய்தது. கருத்தறியும் வாக்கெடுப்புக்கு முந்தைய கணிப்புகளில், மினார் அமைக்கத் தடை கோருவதை நிராகரித்து பெரும்பான்மையான மக்கள் வாக்களிப்பாளர்கள் என்று கூறப்பட்டது.
÷ஆனால், முடிவுகள் எதிர்பார்க்காத வகையில் அமைந்திருக்கின்றன. மினார்கள் கட்டுவ தற்குத் தடை விதிக்க வேண்டும் என்கிற கோரிக்கையை ஆதரித்து 57% மக்கள் வாக்களித்திருக்கிறார்கள்.
   இந்த முடிவுக்கு மொத்தமுள்ள 26 பிரதேசங்களில் 22 பிரதேசங்களின் ஆதரவும் கிடைத்திருக்கிறது. இதனால் இந்தத் தடை சட்டமாக்கப்படுவது உறுதியாகியிருக்கிறது.
÷சுவிட்சர்லாந்தின் அரசியலிலும் வெளியுறவுக் கொள்கையிலும் பெரும் மாற்றத்தை ஏற்படுத்தப் போகும் நிகழ்வாகவே இந்தத் தேர்தல் முடிவு கவனிக்கப்படுகிறது. இந்தத் தேர்தல் முடிவுகளாலும், மினார் கட்டுவதற்கு விதிக்கப்படும் தடைகளாலும் இஸ்லாம் இன்னும் வீரியமாகப் பரவும் என்றே அரசியல் நோக்கர்கள் கருதுகிறார்கள்.